Ætlar mannætan að gleypa Evrópu með húð og hári?

Nú þegar örfáir dagar eru þangað til að bók Þórarins Leifssonar, Leyndarmálið hans pabba, kemur út hjá Leipziger Kinderbuchverlag og pantanir eru teknar að hrannast inn í þýskumælandi netverslanir, berast þær hörmulegu fréttir að Forlagið Torgard í Kaupmannahöfn hefur orðið mannætunni að bráð. Bókin kemur nefnilega út í Danmörku næsta haust.

Um leið og við samhryggjumst danska heimsveldinu innilega (þeir geta huggað sig við það að Forlagið Torgard er færeyskt
að nokkru leiti ) bendum við á uppfærða heimasíðu bókarinnar á íslensku, þýsku og ensku.